OPINBERAR ÁRÁSIR Á JÓNU FANNEYJU RÉTTKJÖRNN FORMANN SJÁST Í BÓKUNUM/ BRÉFUM HÉR TIL HÆGRI.

 

Gerendur:
Allt fólk sem tilheyrði eldri valdaklíku sem missti völdin þegar félagsmenn kusu Jónu Fanneyju sem nýjan formann og Dóru Magnúsdóttur (ritara stjórnar).  Báðar sögðum við af okkur þ. 28. janúar sl., vegna glundroða, endalausra lyga þar sem JFF, nýkjörinn formaður var aðalskotskífan. Báðar upplifuðum við andlegt ofbeldi frá þessu fólki og JF hefur þurft þó nokkurn tíma til að jafna sig á þessum árásum (sagan rekin hér að neðan).

Í stjórn Leiðsagnar eftir kosningar á aðalfundi 3. maí 2023:

70% atkvæðamagns innan stjórnar, allar kosnar til vors 2025:
– Jóna Fanney Friðriksdóttir, formaður (sérkosning)
– Dóra Magnúsdóttir, ritari (kemur ný inn ásamt JFF)
– Guðný Margrét Emilsdóttir, gjaldkeri (var varamaður í fyrri stjórn/hluti af samskiptavanda sem fyrri stjórn útlagði sem einelti á starfsmann)

Fyrir í stjórn sátu og áttu eitt ár eftir – en segja af sér á ólíkum forsendum:
– Harpa Björnsdóttir – sagði af sér strax á aðalfundi vorið 2023 þegar ljóst var að Friðrik Rafnsson hafi tapað formannskosningu og að eigin sögn til að koma Snorra Steini í aðalstjórn, vonarstjörnu kjaramála (!!) en hann skyldi hátt á þriðja tug óleystra launaþjófnaðarmála sem við fengum í fangið.
– Leifur Björnsson – maki starfsmanns skrifstofu, segir af sér 4. okt. 2023 þegar ÖLLL stjórn hefur tekið ákvörðun um að bjóða maka hans eina starfsmanni skrifstofu félagsins, tveim snýst síðan hugur varðandi þessa ákörðun og henni er skellt á formann.

Varamenn sem setjast í stjórn eftir að Harpa og Leifur segja af sér:
– Snorri Steinn Sigurðsson, kemur inn á aðalfundi þegar Harpa segir af sér. Var varaformaður áður og JFF ákveður að veita honum áfram þann titil með því augnamiði að halda öllum góðum.
– Halldór Kolbeins, kemur inn þegar Leifur segir af sér.

Varamenn í stjórn:
– Hallfríður Þórarinsdóttir (var áður í stjórn)
– Sigurður Albert Ármannsson (var áður í trúnaðarráði)
– Jóhanna Magnúsdóttir 

Þessir þrír varamenn ásamt Snorra Steini og Halldóri Kolbeins standa fyrir stöðugum árásum á nýjan formann = 5-menningar. Kalla sig ,,meirihluta stjórnar“ – kjánalegt því þau þrjú eru varamenn og hafa ekki atkvæðisrétt innan stjórnar.

HÉR ER SAGAN LÍTILLEGA RAKIN.

1. Félagsmenn kjósa Jónu Fanneyju sem formann Félags leiðsögumanna sem bauð sig fram gegn sitjandi formanni – Óvænt högg fyrir hann og hans fylgdarfólk.

Jóna Fanney vinnur kosningar á aðalfundi vorið 2023 gegn sitjandi formanni (Friðriki Rafnssyni); mjög niðurlægjandi fyrir hann og allt hans fylgisfólk. Allt í einu er kona, nokkuð skeleggur stjórnandi með mikla reynslu tekin við ásamt Dóru Magnúsdóttur (DM, ritari stjórnar) einnig mjög reynslumikil, auk 8 ára reynslu í stjórn VR.

Afhverju bauð ég mig fram? Var orðin þreytt á hversu félagið var talað niður af leiðsögumönnum, fer að skoða vefsíðuna, teikna upp skipuritið, fer yfir lög félagsins sem eru mjög götótt. Blogga til að skýra mína sýn og kemst að þessari niðurstöðu:  Félagið er eins og stefnulaust rekald úti á hafsjó, fara þarf í rækilega stefnumótunarvinnu, endurskoðun á allri starfsemi og skipulagsbreytingar – virkja þarf grasrótina mun betur. 

Þetta stefnulausa rekald fer þó með kjarasamning leiðsögumanna í landinu sem er stóra málið!!

Semsagt algjört stefnuleysi hafði ríkt innan stéttarfélagsins sl. ár og að okkar DM mati stöðnun, framtíðarsýn vantaði og reyndar fengum við fjölda óleystra mála sem tilheyra fortíðinni í fangið. Hér eru bara reifuð tvo mál sem við fengum í arf frá fyrri stjórnum – syndir feðranna.

 

2. Þvottakarfa full af óhreinum þvotti bíður nýrrar stjórnar. Fljótt byrjum að fletta ofan af bullinu (falsaðar fundargerðir þ.á.m.) og aðgerðarleysi fyrri stjórna félagsins.

2.1. Tugi óleystra launaþjófnaðarmála sem fyrri stjórn gerði ekkert með, ekki einu sinni var til yfirlit yfir öll þessi mál – bunki inn í skáp, um er að ræða hátt á þriðja tug kjarabrotamála. Nýr formaður setur þessi mál í forgang innan stjórnar og innleiðir rafræna verkferla á skrifstofu. Þetta kemur sér illa fyrir vonarstjörnu kjaramála fyrri stjórnar, Snorra Stein. Nýr formaður setur kjarabrotamál í algjöran forgang hjá félaginu. Á stjórnarfundi 11. sept. 2023 er ákveðið að segja starfsmanni upp 100% starfshlutfalli og bjóða henni 50% hlutfall og ráða kjarafulltrúa í 50% á móti. Þetta var samþykkt einróma af allri stjórn. Starfsmaðurinn þekktist ekki boðið og gekk út á staðnum (vottorð um veikindi) sem og eiginmaður hennar sem setið hafði í stjórn. Formaður fær ljót bréf frá bæði starfsmanninum og eiginmanni hennar, þrátt fyrir að stjórn hafi samþykkt 50% starfshlutfall hennar einróma.

Formaður fer með nokkur mál í dóm og lögfræðingar atvinnurekenda bera m.a. fyrir sig ,,tómlæti“ stéttarfélagsins. Einhver málanna eru fyrnd að hluta.

2.2. Samskiptavandamál (sem þau kalla eineltismál), þrír málsaðilar þess voru enn að störfum hjá Leiðsögn þegar ný stjórn tekur við í maí 2023. Forsagan: Eini starfsmaður félagsins segir að GM kjörinn fulltrúi sýni henni háttsemi sem hún er ósátt við. Fyrri stjórn veitir GM áminningu, lögfræðingar á báða bóga, fyrri stjórn fer að tala um einelti gegn starfsmanni. GM fær góða kosningu í nýja stjórn.

Á fyrsta fundi nýrrar stjórnar þ. 13. maí 2023 er áminningin í garð GM dregin tilbaka, nýr formaður leggur til að fá fagaðila til að ræða við þau þrjú sem enn voru við störf í félaginu þegar ný stjórn tók við, þ.e. starfsmaður, GM og Snorri Steinn (sem var í forsvari í fyrri stjórn með áminninguna). Fagaðilinn er fenginn til að reyna að lægja öldur á milli þessara aðila. Fyrst og fremst óskar ný stjórn eftir vinnufriði!!! Að þessi eldri samskiptavandi bitni ekki á nýju fólki og störfum þeirra. 

Skýrsla fagaðilans kemur út um miðjan okt. 2023 – Snorri Steinn (og hans slekti) er mjög ósáttur með niðurstöður skýrslunnar gagnrýnir að fólki úr fyrri stjórnum hafi ekki verið boðið til að ræða líka við fagaðilann.  Okkur DM er sléttsama þó fleiri komi að, okkar orð: ,,taliði við fagaðilann“. Mat fagaðilans kom þó fram í lokaskýrslu hans, þ.e. að það skili engu að fá fleiri að. 

Snorri Steinn+Halldór Kolbeins (+þrír varamenn) bóka aldrei um þessa óánægju sína á stjórnarfundum, né gera neitt í því að þrýsta á fagaðilann eða þess vegna fá nýjan fagaðila – bókunin 30. okt. lítur dagsins ljós = nornaveiðar á formann hefjast.

3. Allt þegar planað með bókun 30. okt. (smölun á félagsfund hefst strax):

Sbr. 2.2. um samskiptavandann eru nornaveiðar hafnar á formann sem sagði ítrekað í upphafi að fólk yrði að hafa þroska tili að leysa mál sín á milli og bað í einlægni eftir vinnufriði nýrrar stjórnar. Bókun 5-menninganna (tveir aðalmenn og þrír varamenn) gengur út á tvennt: 1) Samskiptavandann og 2) Minnkun á starfshlutfalli starfsmanns í 50%.

í kjölfar bókunarinnar 30. okt. 2023 fara þeir í blöðin með málið og strax farnir að tala um að félagsmenn þurfi nú að fá að kjósa um hvort formaður þurfi ekki að segja af sér, tala um ,,eineltismál“ (sem er grafalvarlegt en þetta var aldrei tilkynnt sem slíkt) leggja þurfi störf formanns í dóm félagsmanna: https://www.visir.is/g/20232483022d/-sorgleg-stada-uppi-hja-leidsogumonnum.

– Smalað á félagsfund:
Undirskriftarlisti 30 félagsmanna berst formanni fljótlega og hljóðaði svo:  ,,Komin er upp grafalvarleg staða í Leiðsögn – félagi leiðsögumanna. Málefni stjórnar eru í algerri upplausn og búið að segja starfsmanni Leiðsagnar til margra ára upp svo skrifstofa félagsins er óstarfhæf. Við undirrituð krefjumst þess að boðað verði hið fyrsta til félagsfundar til að ræða málefni félagsins sem virðast komin óefni, og einnig er þess krafist að boðað verði til auka-aðalfundar hið fyrsta.”

– Félagsfundur 6. des 2023: Eftir að formaður reynir að hrekja þessi ósannindi með að félagið sé óstarfhæft og að allt sé í óefni í nokkrum skeytum – fá þau það í gegn að halda félagsfund og er aðalmálið þar á dagskrá, þ.e. Málefni félagsins.

Þessi félagsfundur verður í minnum hafður fyrir rætni, dónaskap og andlegt ofbeldi 30 félagsmanna (allt fyrrum stjórnarfólk) – sem beinlínis ráðast á réttkjörinn formann á heiftarlegan hátt, skipa henni að segja af sér.  Niðurstaða þessa smalaða fundar um að formaður eigi að hypja sig á brott er einnig notað síðar þegar kemur að hinum fræga ,,forsendubresti“ sem lögfræðingur ASÍ tekur undir. Þar er látið ósagt að þegar 70% fundarmanna á félagsfundi samþykktu eru það voru 21 manns í eittþúsund manna félagi.

4. Bandalag við VR handsalað sumarið 2023; einstakt tækifæri í sögu félagsins. Þetta bandalag eigum við DM skuldlaust og hefði þýtt að VR hefði ekki skrifað undir eigin kjarasamninga við SA fyrr en Leiðsögn væri sátt við eigin samning. Hingað til hefur Leiðsögn verið síðast í röðinni, varla virt viðlits í kjarasamningum og ekki eitt einasta atriði í kröfugerð félagsins náðist í gegn v. kjarasamninga 2022.

– Formaður biðlar til Snorra og Halldórs með að leggja stríðsaxirnar niður á stjórnarfundi 18. des, bandalagið við VR sé í húfi – forysta VR getur ekki tekið við tvístraðri stjórn og allra síst stjórn þar sem meðlimir eru að ráðast svo harkalega að lýðræðislega kjörnum formanni. Þeir tveir hunsa þá bón formanns og eyðileggja VR handsalið ásamt þremur varamönnum: Hallfríði Þórarinsdóttur, Sigurði Alberti Ármannssyni og Jóhönnu Magnúsdóttur. Ergó: hatrið á formanninum var hagsmunum félagsmanna yfirsterkara.

5. Skoðun á sannleiksgildi ávirðinga á formann hent út af borðinu með aðstoð lögfræðings ASÍ bæði trúnaðarráð (6. nóv.) og stjórn (16. nóv.=  samþykktu að fela ASÍ að tilnefna hlutlausan lögfræðing til að kanna sannleiksgildi þeirra ávirðinga sem settar hafa verið fram af þeim á formann.

Lögfræðingur ASÍ ítrekar að hann sé einungis að tilnefna þennan aðila – viðskiptasambandið sé á milli Leiðsagnar og viðkomandi lögfræðings. Tveir stjórnarmannanna (SSS og HK)  senda skeyti á óháða lögfræðinginn þ. 22. janúar 2024 þar sem m.a. kemur fram ,,að forsendur tilvísunar ASÍ á þessu máli til lögmannsstofunnar sé ekki lengur til staðar“ – hér beita þeir blekkingum það var aldrei ASÍ sem vísaði þessu máli til lögmannsins heldur stjórn Leiðsagnar!  Í bréfi þeirra kemur fram að ,,forsendubresturinn“ liggi í því að 70%  fundarmanna (21 aðili) á félagsfundi 6. des. hefðu samþykkt afsögn formanns (smalaðir kettir í þúsund manna félagi).

Undir þann forsendubrest 5-menninganna tekur lögfræðingur ASÍ sem þó er áður búinn að leggja ofuráherslu á það í tölvuskeyti og ítreka að verkkaupinn sé Leiðsögn en ekki ASÍ.

Þetta töldum við ámælisvert inngrip af hálfu lögfræðings ASÍ að blanda sér þannig inn í störf stjórnar og höfum sent miðstjórn ASÍ greinargerð um aðkomu hreyfingarinnar að málefnum félagsins í janúar.

——

Hér fengum við DM báðar nóg af vitleysunni. Og mikið afskaplega fannst okkur ASÍ hafa lítinn skilning á lýðræði í þessu litla félagi. Enda kom í ljós þegar fundað var með forseta og lögfræðingi ASÍ, að þeirra ósk og með litlum fyrirvara að Snorri Steinn, Halldór Kolbeins & co. voru búnir að hitta fulltrúa ASÍ margoft og teikna upp eigin óskastöðu sem ASÍ síðan kynnti okkur DM. Um var að ræða tvær tillögur á fundi með forseta og lögfræðingi ASÍ þ. 5. janúar sl.:

1. Tilsjónarmaður tilnefndur af þeim, hann stýri stjórnarfundum og haldi utan um rekstur.

2. Farið verði í listakosningar. Báðar ,,fylkingar“ myndi lista níu manns og sá listi sem flest atkvæði hlýtur stýrir félaginu.

Okkar spurningar á fundi 12. jan:

Tilsjónarmaður: Af hverju þarf tilsjónarmann, formaður er fullfær um að stýra fundum áfram. Þrjár konur mynda meirihluta í stjórn Leiðsagnar, formaður, gjaldkeri og ritari – hafa 70% atkvæða félagsmanna að baki – öll þau sem hafa ákveðið að vera í stjórnarandstöðu í stéttarfélagi enduðu sem varamenn eftir kosningar 2023? Við getum auðveldlega rekið félagið fram að aðalfundi vorið 2024. Í skeyti til lögfræðings ASÍ sagði formaður að fínt væri að fá áheyrnarfulltrúa til að halda frið á stjórnarfundum. Lögfræðingur ASÍ snéri út úr þeirri beiðni formanns (sjá greinargerð til ASÍ, hér t.h. 6. febr. 2024).

Listakosningar: Til hvers? Við erum þrjár kosnar til vors 2025 en þau hin fram að næsta aðalfundi í vor. Af hverju eigum við að fara að brölta í kosningaslag um lista þegar við höfum umboð til 2025?